فرمان الہی
نماز کے اوقات
پاکستان کرکٹ ٹیم کے سابق کپتان، سوئنگ کے سلطان وسیم اکرم کی ہاتھوں میں گیند پکڑ کر ریمپ واک کی ویڈیو سوشل میڈیا پر وائرل ہو گئی۔
کرکٹ کے میدان میں پچ پر اپنی تیز رفتار گیند بازی کا مظاہرہ کرنے والے سوئنگ کے سلطان نے لاہور میں منعقدہ برائیڈل کٹیور ویک میں ریمپ پر جلوے بکھیر دیے۔
مختلف سوشل میڈیا پلیٹ فارمز پر وائرل ہونے والی ویڈیو میں وسیم اکرم کو سرخ شیروانی، سیاہ شلوار، گلے میں مالا اور دھوپ کے چشمے پہنے ریمپ واک کرتے دیکھا جا سکتا ہے۔
کرکٹ کے سلطان کو ریمپ واک کرتا دیکھ کر سوشل میڈیا صارفین داد دیے بغیر نہ رہ سکے۔
صارفین وائرل ویڈیو پر کمنٹس کرتے ہوئے انہیں سراہ رہے ہیں۔
خیال رہے کہ یہ پہلا موقع نہیں ہے جب وسیم اکرم نے برائیڈل کٹیور ویک میں ریمپ واک کی ہو، اس سے قبل 2019ء میں وہ اہلیہ شنیرا اکرم کے ہمراہ ریمپ واک کر چکے ہیں۔
واضح رہے کہ برائیڈل کٹیور ویک 2024ء کے 3 روزہ فیسٹیول کا رنگا رنگ آغاز لاہور میں ہو چکا ہے جہاں ملک بھر کے ڈیزائنرز کو ایک معزز اسٹیج پر اپنی تخلیقات پیش کرنے کا موقع فراہم کیا گیا ہے۔
یہ 3 روزہ فیشن شو 20 دسمبر سے 22 دسمبر تک جاری رہے گا جو اس ایونٹ کا 22 ویں ایڈیشن ہے جس نے ہمیشہ کی طرح ناظرین کو اپنی جانب متوجہ کر لیا ہے۔
