فرمان الہی
نماز کے اوقات
پاکستانی معروف سینئر اداکار شہود علوی کی بیٹی کی ڈھولکی کی تصویریں اور ویڈیوز وائرل ہو گئیں۔
پاکستان شوبز انڈسٹری کو متعدد بلاک بسٹر ڈرامہ سیریلز دینے والے اداکار شہود علی کے گھر ایک بار پھر سے شہنائیاں بج گئی ہیں۔
اداکار کی دوسری بیٹی اریج پیا گھر سدھارنے والی ہیں جن کی شادی کی تقریبات کا آغاز ہو چکا ہے۔
سوشل میڈیا کے متعدد فین پیجز پر اداکار کی بیٹی کی ڈھولکی کی تقریب کی تصویریں اور ویڈیوز وائرل ہیں جن میں نامور فنکاروں کو ڈانس کرتے دیکھا جا سکتا ہے۔
ان میں سے ایک جذباتی ویڈیو میں اداکار اپنی بیٹی کا محبت اور شفقت سے ماتھا چوم رہے ہیں۔
یاد رہے کہ اریج سے قبل 2022ء میں پاکستان شوبز انڈسٹری کی اُبھرتی اداکارہ اور سینئر اداکار شہود علوی کی بیٹی اریبہ علوی کی شادی ہوئی تھی۔
فوٹو اینڈ ویڈیو شیئرنگ ایپ انسٹاگرام پر اریبہ علوی نے اپنے نکاح کی خوبصورت تصاویر شیئر کی تھیں۔
