فرمان الہی
نماز کے اوقات
یوکرینی صدر ولودیمیر زیلنسکی نے وائٹ ہاؤس میں امریکی صدر ڈونلڈ ٹرمپ اور امریکی نائب صدر جے ڈی وینس سے کشیدگی کے بعد ایک ویڈیو پیغام جاری کر دیا۔
وائٹ ہاؤس میں جمعے کو ہونے والی ملاقات میں ولودیمیر زیلنسکی، ڈونلڈ ٹرمپ اور جے ڈی وینس کے درمیان تلخ جملوں کا تبادلہ ہوا تھا۔
اس ملاقات کے دوران جب زیلنسکی نے جب امریکا کی مجوزہ جنگ بندی کی شرائط کو قبول کرنے سے انکار کیا تو ٹرمپ اور وینس نے ان پر ’ناشکری‘ کا الزام عائد کیا۔
اب لندن میں روس یوکرین جنگ کے حوالے سے اہم سربراہی اجلاس میں شرکت کے بعد یوکرینی صدر زیلنسکی نے سوشل میڈیا ویب سائٹ ایکس پر جاری کیے اپنے پیغام میں کہا ہے کہ ہر کوئی اصل مسئلے پر متحد ہے، حقیقی امن کے قیام کے لیے ہمیں حقیقی تحفظ کی ضمانتوں کی ضرورت ہے اور برطانیہ، یورپی یونین اور ترکی کا بھی یہی مؤقف ہے۔
اُنہوں نے کہا کہ بلاشبہ ہم امریکا کی اہمیت کو سمجھتے ہیں اور ہم امریکا سے ملنے والی تمام تر مدد کے شکر گزار ہیں۔
یوکرینی صدر نے کہا کہ کوئی دن ایسا نہیں گزرا جب ہم امریکا کے شکر گزار نہ ہوئے ہوں اور یہ شکر گزاری ہماری آزادی کے تحفظ کے لیے ہے۔
اُنہوں نے مزید کہا کہ یوکرین میں ہماری مشکلات سے نکلنے کا انحصار اس بات پر ہے کہ ہمارے شراکت دار ہمارے لیے اور اپنی سلامتی کے لیے کیا اقدامات کر رہے ہیں۔
ولودیمیر زیلنسکی نے یہ بھی کہا ہے کہ ہمیں کبھی نہ ختم ہونے والی جنگ نہیں بلکہ امن کی ضرورت ہے اور اسی لیے ہم نے یہ کہا کہ حفاظتی ضمانتیں اس کی کلید ہیں۔
