فرمان الہی
نماز کے اوقات
(2)(1)(1)(1)(1)_updates.jpg)
لاہور کی انسدادِ دہشت گردی کی عدالت نے جناح ہاؤس اور عسکری ٹاور پر حملوں سمیت جلاؤ گھیراؤ کے 8 مقدمات میں مسرت جمشید چیمہ اور ان کے شوہر جمشید چیمہ کی عبوری ضمانت میں 22 مارچ تک توسیع کر دی۔
انسدادِ دہشت گردی عدالت کے جج منظر علی گل نے ضمانت کی درخواستوں پر سماعت کی۔
دونوں میاں بیوی اپنی ضمانت کی میعاد ختم ہونے پر عدالت میں پیش ہوئے۔
تفتیشی افسر نے بتایا کہ مسرت جمشید چیمہ اور جمشید اقبال چیمہ کی تفتیش مکمل ہو چکی ہے اور پولیس کو ملزمان کی گرفتاری مطلوب ہے۔
تفتیشی افسر نے کہا کہ مسرت جمشید چیمہ اور ان کے شوہر کے خلاف کارکنوں کو جلاؤ گھیراؤ پر اکسانے کا الزام ہے۔
عدالت نے وکلاء کو ہدایت کی کہ ضمانت کی درخواستوں پر دلائل مکمل کریں۔
وکلاء نے ضمانتوں پر دلائل کے لیے مہلت طلب دینے کی استدعا کی جو عدالت نے منظور کر لی اور ہدایت کی کہ آئندہ سماعت پر ملزمان کے وکلاء ضمانت کی درخواستوں پر دلائل کے لیے پیش ہوں۔
