فرمان الہی
نماز کے اوقات
امریکا کے شہر شکاگو سے تعلق رکھنے والے پیٹرک برٹولیٹی نے 1 منٹ میں 7 لیٹر کے قریب انڈے پینے کا گینیز ورلڈ ریکارڈ قائم کر لیا۔
یہ حیران کن کارنامہ انہوں نے اٹلی کے شہر میلان میں مشہور ریئلٹی شو کے دوران انجام دیا۔
گینیز ورلڈ ریکارڈز کی جانب سے انسٹاگرام پر شیئر کی گئی ویڈیو میں دیکھا جا سکتا ہے کہ چمکدار جمپ سوٹ پہنے پیٹرک تیز رفتاری سے انڈے پی رہے ہیں۔
ایک منتظم نے انڈے سے بھرے جار گن کر ریکارڈ کی تصدیق کی اور پیٹرک کی شاندار کارکردگی کا اعتراف کیا۔
ریکارڈ کی تصدیق کرتے ہوئے گینیز ورلڈ ریکارڈز کی ویڈیو کیپشن میں لکھا گیا ہے کہ ایک منٹ میں سب سے زیادہ 6.97 لیٹر انڈے پینے کا ریکارڈ بنا لیا ہے۔
گینیز ورلڈ ریکارڈز نے ایک اور تبصرے میں مزید معلومات دیتے ہوئے کہا کہ پیٹرک برٹولیٹی ایک مشہور اسپیڈ ایٹنگ چیمپئن ہیں، دلچسپ بات یہ ہے کہ پیٹرک 2024ء میں ناتھنز ہاٹ ڈاگ ایٹنگ مقابلے کے فاتح بھی رہے ہیں۔
یہ منفرد کارنامہ دیکھ کر لوگوں نے مختلف تبصرے کیے، ایک صارف نے لکھا کہ اب انہیں ایک ہفتے تک پروٹین کی ضرورت نہیں پڑے گی۔
دوسرے نے کہا کہ یہ متاثر کن ہے، مگر ان کا معدہ اس سے بُری طرح متاثر ہو گا۔
کسی نے مذاق میں لکھا مجھے یقین ہے کہ وہ اس کارنامے پر ایگ اسٹیٹک (Eggstatic) ہوں گے۔
