فرمان الہی
نماز کے اوقات
میٹا نے اپنے نئے آرٹیفیشل انٹیلی جنس (اے آئی) ماڈلز متعارف کروا دیے ہیں جنہیں لاما 4 اسکاؤٹ اور لاما 4 میوریک کہتے ہیں۔
میٹا کی جانب سے جاری کیے گئے بیان میں بتایا گیا کہ لاما ایک ملٹی ماڈل اے آئی سسٹم ہے۔
بیان میں مزید بتایا گیا ہے کہ ملٹی ماڈل سسٹمز ویڈیو، امیجز اور آڈیو سمیت مختلف قسم کے ڈیٹا کو پروسیس اور انٹیگریٹ کرنے کی صلاحیت رکھتے ہیں اور ان تمام فارمیٹس میں مواد کو تبدیل کر سکتے ہیں۔
بیان میں بتایا گیا ہے کہ لاما 4 اسکاؤٹ اور لاما 4 میوریک کمپنی کے اب تک کے سب سے جدید ماڈلز ہیں اور ملٹی ماڈیلٹی کے لیے بہترین ہیں۔
بیان میں مزید بتایا گیا ہے کہ لاما 4 اسکاؤٹ اور لاما 4 مووریک اوپن سورس سافٹ ویئر ہوں گے۔ جبکہ لاما 4 بیہیموت کی تیاری کا عمل ابھی جاری ہے۔
واضح رہے کہ اوپن اے آئی کے اے آئی چیٹ بوٹ ’چیٹ جی پی ٹی‘ کی کامیابی کے بعد بڑی ٹیکنالوجی فرمز آرٹی فیشل انٹیلی جنس (اے آئی) کے بنیادی ڈھانچے میں جارحانہ انداز میں سرمایہ کاری کر رہی ہیں۔
