فرمان الہی
نماز کے اوقات
دنیا کا سب سے بڑا مُنہ کھولنے والی امریکی خاتون نے نیا عالمی ریکارڈ قائم کر لیا۔
امریکی ریاست الاسکا سے تعلق رکھنے والی ایک خاتون نے دنیا کا سب سے بڑا منہ کھولنے کا نیا گینیز ورلڈ ریکارڈ اپنے نام کیا ہے۔
میری پرل زیلمر رابنسن نامی خاتون الاسکا کے علاقے کیچکن کی رہائشی ہیں جو اپنے غیر معمولی بڑے منہ کی بدولت عالمی توجہ کا مرکز بن چکی ہیں۔
گینیز ورلڈ ریکارڈز کے مطابق ایک ماہر دندان ساز نے ان کے منہ کی پیمائش کی، جو کھلنے کی حالت میں 2.98 انچ ریکارڈ کی گئی، یہ سابقہ ریکارڈ سے کہیں زیادہ ہے۔
اس سے قبل یہ ریکارڈ سمانتھا رامسڈیل کے پاس تھا جن کا منہ2021ء میں 2.56 انچ کھلنے کی صلاحیت رکھتا تھا، میری پرل نے سمانتھا کی ایک وائرل ویڈیو دیکھنے کے بعد پہلی بار غور کیا کہ وہ خود بھی اس منفرد صلاحیت کی مالک ہو سکتی ہیں۔
میری پرل کا کہنا ہے کہ مجھے ہمیشہ لگتا تھا کہ میرا منہ بہت بڑا ہے، مگر کبھی یہ نہیں سوچا تھا کہ یہ عالمی ریکارڈ بن سکتا ہے، جب میں نے سابق ریکارڈ ہولڈر کی ویڈیوز دیکھیں، تب جا کر خیال آیا کہ میرا منہ اس سے بھی بڑا ہو سکتا ہے، یہ سب مجھے مذاق لگتا تھا لیکن میں اتنی بڑی چیزیں آرام سے اپنے منہ میں فٹ کر سکتی ہوں۔
میری پرل کی یہ انوکھی صلاحیت سوشل میڈیا پر بھی خوب وائرل ہو چکی ہے۔
