فرمان الہی
نماز کے اوقات
پاکستان کے مشہور اداکار اور ماڈل عمر شہزاد اور ماڈل و اداکارہ شانزے لودھی کی شادی میں بن بلائے مہمان پہنچ گئے، مہمانوں نے اپنی ویڈیو بھی شیئر کر دی۔
مختلف سوشل میڈیا پلیٹ فارمز پر دو نوجوانوں کی مختصر ویڈٰیو وائرل ہو رہی ہے۔
وائرل ویڈیو میں نوجوانوں نے دعویٰ کیا ہے کہ ہم ایک شادی کی تقریب میں بن بلائے پہنچ گئے ہیں، شادی میں پہنچنے کے بعد ہمیں معلوم ہوا ہے کہ یہ شادی اداکار عمر شہزاد کی ہے۔
سیاہ لباس میں ملبوس نوجوانوں نے ویڈیو میں مزید کہا کہ ہم اب کھانا کھانے جا رہے ہیں، کھانا کھاتے ہوئے ویڈیو ریکارڈ نہیں کریں گے کیونکہ لوگ پہلے ہی عجیب نظروں سے دیکھ رہے ہیں۔
نوجوانوں نے شادی کی تقریب کے مختلف مناظر بھی شیئر کیے ہیں جن سے ان کے دعوؤں کی حقیقت کا علم ہو رہا ہے کہ دونوں نوجوان واقعی اداکار عمر شہزاد کی شادی میں بن بلائے پہنچے ہیں۔
خیال رہے کہ رواں سال 24 فروری کو عمر شہزاد نے اپنی دلہن کے ہمراہ بیت اللّٰہ کے سامنے سے تصویر شیئر کرتے ہوئے اپنے نکاح کا اعلان کیا تھا۔
اب حال ہی میں اداکار اور ماڈل عمر شہزاد اور اداکارہ و ماڈل شانزے لودھی کی شادی کی مختلف تقریبات کی تصاویر بھی سامنے آئی ہیں۔
