فرمان الہی
نماز کے اوقات
اسلام آباد (فاروق اقدس ) پہلگام فالس فلیگ آپریشن کے بعد حقائق سامنے لانے پر مودی سرکارنے گھبراہٹ میں پاک فوج کے شعبہ تعلقات عامہ (آئی ایس پی آر) کا یو ٹیوب چینل بھی بلاک کردیا جبکہ دوسری طرف بھارتی میڈیا نے اعتراف کیاکہ پاکستانی میڈیا بیانئے کی جنگ جیت گیا۔ مودی سرکار نے ذرائع ابلاغ اور میڈیا چینلز پر پابندی کے بعد اب آئی ایس پی آر کا آفیشل یو ٹیوب چینل اور ایکس اکائونٹ بھی معطل کردیا۔ ڈی جی آئی ایس پی آر نے 29؍ اور 30؍ اپریل کو پاکستان میں بھارتی دہشت گردی اور جھوٹ کو مفصل طریقے سے بے نقاب کیا۔ یکم مئی کومودی سرکارنے آئی ایس پی آر کے آفیشل اکائونٹ کو بھی بلاک کردیا۔ ذرائع کے مطابق پاکستانی میڈیا نے بھارتی پروپیگنڈے کا راز فاش کرکے مودی کا فالس فلیگ آپریشن بے نقاب کردیا، پہلگام حملے کے بعد مودی سرکار کی میڈیا پر قابض ہونے کی کوشش جاری ہے۔ ذرائع کا کہنا ہے کہ مودی سرکار کی جانب سے پاکستان کے اکثر ٹی وی چینلز پہلے ہی معطل کئے جاچکے ہیں اس کے ساتھ ساتھ مودی سرکارنے معروف پاکستانی شخصیات کے سوشل میڈیا اکائونٹس بھی بند کردیئے۔
