فرمان الہی
نماز کے اوقات
گورنر سندھ کامران ٹیسوری سے وفاقی وزیر میری ٹائم افیئرز جنید انور نے ملاقات کی ہے جس میں بندرگاہی انفرا اسٹرکچر، شپنگ اور فشریز کی ترقی پر تبادلہ خیال کیا گیا۔
گورنر سندھ نے کہا کہ میری ٹائم شعبے میں پبلک پرائیویٹ پارٹنر شپ سے ترقی کی نئی راہیں کھلیں گی، کراچی کی بندرگاہیں معیشت کا انجن ہیں، جدید خطوط پراستوار کرنا وقت کی ضرورت ہے۔
وفاقی وزیر بحری امور جنید انور نے کراچی میں پاکستان بزنس کونسل فورم کا دورہ بھی کیا جہاں سمندری تجارت کو فروغ دینے پر گفتگو کی گئی۔
وفاقی وزیر بحری امور نے کہا کہ معیشت کی ترقی میں بندرگاہوں کا اہم کردار ہے، بزنس کمیونٹی کی شکایات کا فوری حل نکالا جائے گا، تجارت کے فروغ کے لیے پبلک پرائیویٹ پارٹنرشپ بہت اہم ہے۔
جنید انور کا کہنا ہے کہ پاکستان بزنس کونسل کی بحری امور سے متعلق تجاویز پر تعاون کریں گے، کاروباری برادری کے مسائل کے حل کے لیے وزیر اعلیٰ سندھ سے بھی بات کی ہے۔
