فرمان الہی
نماز کے اوقات
صوبۂ پنجاب کے شہر مظفر گڑھ میں چائلڈ پورنوگرافی سے متاثرہ لڑکے نے پولیس سے رابطہ کیا ہے۔
پولیس کے مطابق متاثرہ لڑکے نے دعویٰ کیا کہ کئی بچوں کو بدفعلی کا نشانہ بنا کر ویڈیوز بنائی گئیں۔
پولیس کا کہنا ہے کہ متاثرہ لڑکے کی شکایت پر ایک شخص کو حراست میں لے لیا گیا ہے۔
یاد رہے کہ گزشتہ ماہ نیشنل سائبر کرائم انویسٹی گیشن ایجنسی ملتان نے کارروائی کرتے ہوئے مظفر گڑھ سے چلایا جانے والا ایک انٹرنیشنل چائلڈ پورنوگرافی نیٹ ورک پکڑا تھا۔
انٹرنیشنل نیٹ ورک کے سرغنہ سمیت 2 افراد کو گرفتار کیا گیا تھا جبکہ 6 بچوں کو بازیاب کروایا گیا تھا۔
پولیس کے مطابق گروہ 6 سے 8 سال کے بچوں کی ویڈیوز بنا کر مختلف ویب سائٹس کو بیرون ملک فروخت کر رہا تھا، ملزمان سے الیکٹرانک آلات اور سیکڑوں ویڈیوز بھی برآمد کی گئی تھیں۔
