فرمان الہی
نماز کے اوقات
کراچی(اسٹاف رپورٹر)متحدہ قومی موومنٹ پاکستان نے کراچی میں سفری سہولتوں کی کمی اور ناگفتہ بہ صورتحال پر عالمی بینک کی رپورٹ کو سندھ حکومت کے منہ پر طمانچے کے مترادف قرار دے دیا ،ترجمان ایم کیو ایم نے کہا کہ وقتاً فوقتاً سندھ حکومت اپنی بدعنوانیوں پر عالمی اسناد بٹورتی رہتی ہے جس پر دس روپے کے بارہ ترجمان ببانگِ دہل دوسروں کو مورد الزام ٹھہراتے نظر آتے ہیں اس بات سے قطع نظر کے ڈیڑھ دہائی سے زائد عرصے سے صوبہ سندھ میں پیپلز پارٹی کی بلاشرکت غیرے حکومت اور اٹھارویں ترمیم کے بعد تمام تر اختیارات پر یہی لوگ قابض ہیں، اتنے برسوں میں جدید تو دور دستیاب سہولتیں بھی کسی مقصد خاص کے تحت شہری علاقوں کے عوام سے چھین لی گئی ہیں، متحدہ ترجمان کا کہنا تھا کہ ورلڈ بینک یا دوسرے کسی عالمی ادارے کی جانب سے ہونے والے ترقیاتی منصوبوں کو اپنے کاندھے کا تمغہ بنانا سندھ حکومت کا وطیرہ بن چکا ہے۔
