فرمان الہی
نماز کے اوقات
دریائے ستلج میں بھارت کی طرف سے پانی چھوڑنے کے بعد پروونشل ڈیزاسٹر مینجمنٹ اتھارٹی (پی ڈی ایم اے) نے اونچے درجے کے سیلاب کی وارننگ جاری کر دی ہے اور 9 اضلاع میں ہائی الرٹ کر دیا ہے۔
پی ڈی ایم اے کے مطابق بھارت کی طرف دریائے ستلج میں ہری کے اور فیروزپور پر اونچے درجے کا سیلاب ہے، سیلابی ریلے سے 9 اضلاع متاثر ہونے کا خدشہ ہے۔
پروونشل ڈیزاسٹر مینجمنٹ اتھارٹی کی جانب سے کہا گیا ہے کہ سیلاب سے قصور، اوکاڑہ، بہاولنگر اور پاکتن متاثر ہوں گے۔ ممکنہ متاثرہ اضلاع میں وہاڑی، لودھراں، بہاولپور، ملتان اور مظفر گڑھ بھی شامل ہیں۔
پی ڈی ایم اے کے مطابق متعلقہ اضلاع کے ڈی سیز کو ممکنہ سیلاب سے نمٹنے کے لیے فوری انتظامات کرنے کی ہدایت کی گئی ہے۔۔
