• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

الگ اور آزاد ریاست کا قیام فلسطینیوں کا حق، سیکریٹری جنرل اقوام متحدہ

آج کا اخبار
اہم خبریں
23 ستمبر ، 2025
نیو یارک (عظیم ایم میاں) پرتگال کے صدر مارسیلوریبیلو ڈی سوزانے اپنے انٹرویو میں کہاہے کہ ہم نے ہمیشہ فلسطین کےمعاملے میں دو ریاستی حل کی بات کی ہے جبکہ اقوام متحدہ کے سیکریٹری جنرل اینتونیو گوتریس کے ترجمان اسٹیفن دو جارک نے اپنے انٹرویو میں کہا کہ اقوام متحدہ کے جنرل اسمبلی کاحالیہ اجلاس یواین کو بہتر راستے پر گامزن کرے گا۔انہوں نے فلسطین کو تسلیم کئے جانے سے متعلق پیشرفت پر بھی بات کی ۔دریں اثنا قوام متحدہ کے سیکرٹری جنرل انتونیو گوتریس نے الگ اور آزاد ریاست کا قیام فلسطینیوں کا حق قرار دیدیا۔سیکرٹری جنرل انتونیو گوتیرس نے اقوام متحدہ کانفرنس سے خطاب میں کہا کہ فلسطینی ریاست کا قیام کوئی انعام نہیں بلکہ ان کا حق ہے اور اس حق سے انکار انتہا پسندوں کو ایک تحفہ دینے کے مترادف ہوگا۔انتونیو گوتریس نے ایک بار پھر دو ریاستی حل کی حمایت کرتے ہوئے کہا کہ واحد راستہ یہی ہے کہ دو خود مختار اور آزاد ریاستیں ایک دوسرے کو تسلیم کرتے ہوئے بین الاقوامی برادری کا حصہ بنیں۔اقوام متحدہ کے سیکرٹری جنرل نے مغربی کنارے میں اسرائیلی بستیوں کی مسلسل توسیع کو ناقابل جواز قرار دیتے ہوئے اسے فوراً روکنے کا مطالبہ کیا۔سیکرٹری جنرل نےکہا کہ مغربی کنارے میں بستیوں کی مسلسل توسیع کا کوئی جواز پیش نہیں کرسکتا‘ اس سے امن کی باقی امیدیں بھی ختم ہو رہی ہیں۔یواین سیکرٹری جنرل نے ایک بار پھر جنگ بندی کا مطالبہ دہراتےہوئے کہا کہ الحاق کا خطرہ اور آبادکاروں کے تشدد کی شدت کو فوری روکناچاہیے۔
اہم خبریں سے مزید