فرمان الہی
نماز کے اوقات
واشنگٹن (نیوزڈیسک) امریکی سینیٹ کی صحت، تعلیم، لیبر اورپنشن کمیٹی کی ایک رپورٹ میں خبر دار کیا گیا ہےکہ مصنوعی ذہانت 10برس کے دوران 100ملین ملازمتیں ختم کرسکتی ہے ۔
کمیٹی کی اس رپورٹ میں’مصنوعی محنت‘ معیشت کی تشکیل نو کرنے کے حوالے سے چیٹ جی پی ٹی پر مبنی تجزیہ استعمال کیا گیا۔
اے آئی سے وائٹ کالر اور بلیو کالر دونوں طرح کے پیشے بری طرح متاثر ہوں گے۔
رپورٹ کے مطابق، فاسٹ فوڈ کی89 فیصد، اکاؤنٹنگ کی 64 فیصد اور ٹرکنگ کی 47 فیصد نوکریوں کو آٹومیشن کا خطرہ ہے۔
اس رپورٹ کی سربراہی کرنے والے سینیٹر برنی سینڈرز نے پیر کو کہا کہ امراء کی تیار کردہ مصنوعی ذہانت اور روبوٹکس کارپوریٹ امریکا کو کروڑوں اچھی تنخواہ والی ملازمتیں ختم کرنے، لیبر کے اخراجات میں کمی لانے اور منافع بڑھانے کی اجازت دے گی۔
