فرمان الہی
نماز کے اوقات
برطانیہ، یوکرین، جرمنی، فرانس، یورپی یونین اور دیگر رہنماؤں نے یوکرین پر مشترکا بیان جاری کیا ہے۔
متعدد ممالک نے اپنے بیان میں کہا ہے کہ ہم صدر ٹرمپ کے لڑائی فوری طور پر بند ہونے کے مؤقف کی بھرپور حمایت کرتے ہیں، رابطے کی موجودہ لائن کو مذاکرات کا نقطۂ آغاز بنانا چاہیے۔
متعدد ممالک کے رہنماؤں کا کہنا ہے کہ ہم روس کے منجمد خود مختار اثاثوں کو مکمل طور پر استعمال کرنے کے اقدامات کر رہے ہیں تاکہ یوکرین کے پاس وہ وسائل ہوں جن کی اسے ضرورت ہے۔
رہنما اس ہفتے کے آخر میں یورپی کونسل اور کوالیشن آف دی ولنگ کے فارمیٹ میں ملاقات کریں گے۔
اس حوالے سے کہا گیا ہے کہ ہمیں روس کی معیشت اور دفاعی صنعت پر دباؤ بڑھانا چاہیے جب تک کہ پیوٹن امن قائم کرنے کے لیے تیار نہ ہو جائے۔
