فرمان الہی
نماز کے اوقات
غزہ میں جنگ بندی کے باوجود اسرائیل کی ہٹ دھرمی جاری ہے اور مسلسل حملے کیے جا رہے ہیں۔
عرب میڈیا رپورٹس کے مطابق اسرائیلی لڑاکا طیاروں نے رفح شہر میں حملے کیے، اسرائیلی افواج خان یونس میں گھر مسمار کر رہی ہیں۔
میڈیا رپورٹس کے مطابق مقبوضہ مغربی کنارے میں فلسطینیوں کی گرفتاریاں بھی جاری ہیں۔
عرب میڈیا کے مطابق گزشتہ روز اسرائیلی حملوں سے خان یونس میں 2 فلسطینی بچے شہید ہوئے تھے۔
دوسری جانب اسلامی تعاون تنظیم نے 2 روز قبل دمشق کے دیہی علاقوں میں ہونے والے اسرائیلی حملے کی شدید مذمت کی ہے۔
واضح رہے کہ اکتوبر 2023 سے اب تک غزہ پر ہونے والے اسرائیلی حملوں میں شہداء کی تعداد 70 ہزار سے تجاوز کر گئی ہے۔
