فرمان الہی
نماز کے اوقات
امریکی میڈیا کا کہنا ہے کہ وینزویلا کے صدر نکولس مادورو اور ان کی اہلیہ سیلیا فلوریس کو امریکی فورسز نے ان کے بیڈ روم سے پکڑا۔
صدر ڈونلڈ ٹرمپ نے امریکی ٹی وی چینل کو انٹرویو میں کہا ہے کہ وینزویلا کے صدر نکولس مادورو اور ان کی اہلیہ سیلیا فلوریس کو امریکی تحویل میں لے لیا گیا ہے اور انہیں جنگی بحری جہاز (USS Iwo Jima) پر منتقل کر دیا گیا ہے۔
ڈونلڈ ٹرمپ نے کہا کہ مادورو کے خلاف آپریشن میں ایک ہیلی کاپٹر حادثے میں کچھ امریکی زخمی ہوئے ہیں، وینزویلا کے صدر کے خلاف آپریشن کی خفیہ تیاری دسمبر کے اوائل سے کی تھی۔
انہوں نے کہا کہ وینزویلا کے صدر نکولس مادورو کو پکڑنے کی ویڈیو ٹی وی شو کی طرح لائیو دیکھی، مادورو کو پکڑنے کی ویڈیو فوجی جنرلز کے ساتھ فلوریڈا میں دیکھی، انہیں لے کر امریکی بحری جہاز نیو یارک آرہا ہے۔
ڈونلڈ ٹرمپ نے کہا کہ مادورو پر مین ہٹن کی عدالت میں منشیات اور اسلحے کی اسمگلنگ کا مقدمہ چلے گا، وینزویلا پر کس کی حکمرانی ہوگی، یہ ابھی طے ہونا ہے۔
امریکی صدر نے کہا کہ جہاز اب کیریبین سے روانہ ہو رہا ہے اور نیو یارک کی طرف بڑھے گا، جیسے ہی جہاز امریکی علاقائی پانیوں میں داخل ہوگا، مادورو کو وہاں سے ہوائی جہاز کے ذریعے نیو یارک منتقل کیا جا سکتا ہے۔
