فرمان الہی
نماز کے اوقات
تحریک انصاف کے مرکزی سیکریٹری جنرل سلمان اکرم راجا نے کہا ہے کہ سہیل آفریدی کے ساتھ سندھ میں 2 دن رعایت کی گئی۔
پشاور میں میڈیا سے گفتگو کرتے ہوئے سلمان اکرم راجا نے کہا کہ عوام نے سہیل آفریدی کے ساتھ محبت کا اظہار کیا، عوام اپنا مقدمہ خود لڑیں گے، آئین ہمیں احتجاج کا حق دیتا ہے، عدالتوں سے اب توقع نہیں لیکن پھر بھی کوشش جاری رکھیں گے۔
سلمان اکرم راجا نے کہا کہ تمام راستے بند کردیے گئے ہیں، مجبوراً عوام کے سامنے مقدمہ رکھ رہے ہیں، ہوش مندی سے کام لینا چاہیے، حقیقی نمائندوں کے ساتھ بیٹھ کر بات کرنی چاہیے۔
انہوں نے کہا کہ ظلم اور بربریت سے معیشت آگے نہیں جائے گی، ملک کو صحیح سمت میں نہیں لے جایا جارہا، گزشتہ برسوں میں بہت سی فیکٹریاں بند ہو چکی ہیں۔
ان کا مزید کہنا تھا کہ امن کا دارومدار حکومت پر ہے کہ وہ کیا اگلا قدم اٹھاتی ہے، اب جلد محمود خان اچکزئی اپوزیشن لیڈر ہوں گے، ہم آئین اور قانون پر یقین رکھتے ہیں اور اسی کے مطابق کام کرتے ہیں۔
