فرمان الہی
نماز کے اوقات
چیئرمین پی سی بی محسن نقوی سے آئی سی سی کے ڈپٹی چیئرمین خواجہ عمران کی ملاقات جاری ہے۔
ذرائع کا کہنا ہے کہ پی سی بی ہیڈ کوارٹر میں مذاکرات شروع ہوئے ڈھائی گھنٹے سے زائد گزر گئے ہیں، بنگلادیش کرکٹ بورڈ کے سربراہ بھی مذاکرات میں شریک ہیں۔
محسن نقوی، عمران خواجہ اور بنگلادیش کرکٹ کے صدر امین الاسلام میٹنگ میں شریک ہیں، تینوں پارٹیوں کے مذاکرات رات 9 بجے تک مکمل ہونے تھے، مذاکرات کا وقت مزید بڑھا دیا گیا۔
ذرائع کا کہنا ہے کہ ملاقات کا ایجنڈا ٹی ٹوئنٹی ورلڈ کپ میں پاکستان کو بھارت کے خلاف راؤنڈ میچ کھیلنے پر آمادہ کرنا ہے۔
خیال رہے کہ بنگلادیش کی جانب سے بھارت میں جاری ٹی ٹوئنٹی ورلڈکپ 2026 میں شرکت پر اپنی ٹیم کےلیے سیکیورٹی خدشات کا اظہار کرتے ہوئے وینیوز کی تبدیلی کی درخواست کی جسے آئی سی سی نے مسترد کردیا۔
اس پر بنگلادیش نے احتجاجاً ایونٹ سے دستبرداری کا اعلان کیا تو آئی سی سی نے بنگلادیش سے بات کرنے کے بجائے ایونٹ سے بنگلادیش کو نکال کر اسکاٹ لینڈ کو شامل کرلیا۔
بعدازاں پاکستان نے کرکٹ کونسل کے اس اقدام کو دہرا معیار قرار دیا اور بنگلادیش کے ساتھ اظہار یکجہتی کرتے ہوئے بھارت کے خلاف میچ کے بائیکاٹ کا اعلان کرکے کرکٹ کی دنیا کو ہلا کر رکھ دیا۔
