فرمان الہی
نماز کے اوقات
فروری کے آخری دن کراچی اور لاہور میں موسم خشک رہنے کا امکان ہے۔
محکمۂ موسمیات کے مطابق آئندہ 24 گھنٹوں کے دوران شہرِ قائد کا زیادہ سے زیادہ درجۂ حرارت 31 سے 33 ڈگری سینٹی گریڈ تک رہنے کا امکان ہے۔
گزشتہ رات کراچی میں کم سے کم درجۂ حرارت 21 ڈگری سینٹی گریڈ ریکارڈ ہوا۔
کراچی میں آج مطلع صاف ہے جبکہ ہوا میں نمی کا تناسب 87 فیصد ہے۔
دوسری جانب آج لاہور میں موسم گرم ہے اور شہر کا زیادہ سے زیادہ درجۂ حرارت 30 ڈگری سینٹی گریڈ رہے گا۔
لاہور کی فضا میں نمی کا تناسب 79 فیصد تک ریکارڈ کیا گیا ہے۔
پنجاب میں بیشتر اضلاع میں موسم آج خشک رہے گا۔
صوبے کے وسطی اور جنوبی اضلاع میں دن میں درجۂ حرارت 30 ڈگری سے زیادہ رہنے کا امکان ہے۔
عالمی ماحولیاتی ویب سائٹ کے مطابق آج لاہور 302 اے کیو آئی کے ساتھ دنیا کا آلودہ ترین شہر قرار پایا ہے۔
