فرمان الہی
نماز کے اوقات
ٹی ٹوئنٹی ورلڈکپ 2026 کے سپر ایٹ کے اہم ترین میچ میں بھارت ویسٹ انڈیز کو شکست دے کر ایونٹ کے سیمی فائنل میں پہنچ گیا۔
کولکتہ کے ایڈن گارڈن میں کھیلے گئے ایونٹ کے سپر ایٹ مرحلے میں گروپ 1 کے اہم ترین میچ میں پہلے بیٹنگ کرتے ہوئے ویسٹ انڈیز نے 4 وکٹوں کے نقصان پر 195 رنز بنائے۔
کپتان شے ہوپ نے 32، روسٹن چیز نے 40، شمرون ہٹمائر نے 27، شرفین ردرفورڈ نے 14 رنز کی اننگز کھیلی جبکہ رومین پاول 34 اور جیسن ہولڈر 37 رنز بنا کر ناٹ آؤٹ رہے۔
بھارت کے جسپریت بومرا نے 2 جبکہ ہاردیک پانڈیا اور ورون چکرورتھی نے ایک ایک وکٹ لی۔
جواب میں بھارت نے 196 رنز کا ہدف آخری اوور میں 5 وکٹوں کے نقصان پر پورا کرلیا۔ سنجو سیمپسن نے 97 رنز کی ناقابلِ شکست اننگز کھیلی اور اپنی ٹیم کو فتح دلوانے میں اہم کردار ادا کیا۔
ان کے علاوہ تلک ورما نے 27، سوریا کمار یادیو نے 18، ہاردیک پانڈیا نے 17، ابھیشیک شرما اور ایشان کشن نے 10، 10 رنز بنائے۔
ویسٹ انڈیز کی جانب سے جیسن ہولڈر اور شمار جوزف نے دو دو کھلاڑیوں کو آؤٹ کیا جبکہ اکیل حسین نے ایک وکٹ لی۔
اس فتح کے ساتھ ہی بھارت ورلڈکپ کے سیمی فائنل میں پہنچ گیا ہے۔
