فرمان الہی
نماز کے اوقات
کراچی کے علاقے صفورہ چورنگی کے قریب گزشتہ روز بینک کے باہر شہری سے ڈکیتی کی واردات کا مقدمہ سچل تھانے میں درج کر لیا گیا۔
مدعیٔ مقدمہ کے مطابق گھر سے رقم لے کر بینک میں جمع کرانے جا رہا تھا، ملزمان نے 1 کروڑ 25 لاکھ روپے چھینے، 3 سے 4 ملزمان نے رقم چھینی اور فرار ہوتے ہوئے فائرنگ بھی کی۔
مدعیٔ مقدمہ کے مطابق بینک کے گارڈ نے ہوائی فائرنگ کی جبکہ ملزمان کی فائرنگ سے عامر نامی شہری زخمی ہوا۔
پولیس کا کہنا ہے کہ واردات کی سی سی ٹی وی فوٹیج حاصل کر کے ملزمان کی تلاش شروع کر دی ہے۔
پولیس کے مطابق شہری سے کتنی رقم لوٹی گئی اس حوالے سے بھی تحقیقات کر رہے ہیں۔
