پیپلزپارٹی کے چیئرمین بلاول بھٹوزرداری نے بجلی کی لوڈشیڈنگ کے خلاف احتجاجی مظاہروں کی منظوری دیدی ہے۔
لاہورسے جاری بیان میں پیپلزپارٹی کے چیئرمین بلاول بھٹو زرداری نے کہا ہے کہ بجلی کی لوڈشیڈنگ عوام کی برداشت سے باہر ہوگئی ہے، عوام لوڈشیڈنگ سے چیخ اٹھےہیں ، بجلی کے تمام دعوے اوروعدے سب دھوکہ نکلے ہیں۔
پی پی ترجمان کے مطابق بلاول بھٹو زرداری نے اس صورتحال میں لوڈ شیڈنگ کے خلاف ملک بھر میں احتجاجی مظاہروں کی منظوری دیدی ہے۔
پیپلز پارٹی نے ن لیگ والا احتجاجی اسٹائل اپنانے کا فیصلہ کیا ہے، پیپلز پارٹی کے رہنما ندیم افضل چن نے کہا ہے کہ مینار پاکستان پر احتجاجی کیمپ لگا کر وہی پنکھے لائیں گے جو وزیراعلیٰ پنجاب لائے تھے۔
22 اپریل کو پہلا احتجاجی کیمپ مظفر آباد میں اور دوسرا 27 اپریل کو مینار پاکستان پر لگانے کا فیصلہ کیا گیا ہے۔
فرمان الہی
نماز کے اوقات
