موبائل فون ساتھ رکھ کر سونا کینسر میں مبتلا کر سکتا ہے

16 دسمبر ، 2017

موبائل فون قریب رکھ کر سونا آپ کو کینسر سمیت کئی بیماریوں میں مبتلا کر سکتا ہے، امریکا میں ہونےوالی تحقیق میں موبائل سے نکلنےوالی شعاعیں مرد و خواتین سمیت بچوں کے لیے خاص طور پر خطرناک قرار دے دی گئی۔

امریکی ریاست کیلیفورنیا کے محکمہ صحت کی تحقیق کے مطابق سونے سے پہلے صارفین کو اپنا موبائل فون خود سے دور رکھ دیں کیونکہ فون سے نکلنے والی شعاعیں انسانی صحت کے لیے خطر ناک ثابت ہوتی ہیں۔

تحقیق کے مطابق موبائل فونز معلومات کے تبادلے کے لیے کم فریکوئنسی والے ریڈیو سگنلز استعمال کرتے ہیں، خصوصاً اُس وقت جب صارف اسٹریمنگ یا بڑی فائل ڈاؤن لوڈ کررہا ہو، اس سے جو شعاعیں نکلتی ہیں وہ صحت کے لیے خطرناک ہوتی ہیں جس سے کینسر، ذہنی امراض اور بانجھ پن جیسی بیماریوں میں مبتلا ہونے کے خطرات بڑھ جاتے ہیں۔

ماہرین صحت کا کہنا ہے کہ سونے سے 2 گھنٹے قبل اپنا فون استعمال نہ کریں اور سوتے وقت اسے دور رکھ کر سوئیں۔

تازہ ترین