حسین لوائی کوعدالتی ریمانڈ پر جیل بھیج دیا گیا

14 جولائی ، 2018

اربوں روپے کی منی لانڈرنگ کیس میں گرفتار سابق صدر آصف زرداری کے قریبی دوست حسین لوائی کو عدالتی ریمانڈ پر جیل بھیج دیا گیا ہے۔

جوڈیشل مجسٹریٹ جنوبی کراچی کی عدالت میں نجی بینک منی لانڈرنگ کیس کی سماعت ہوئی، ایف آئی اے نے نجی بینک کےسربراہ حسین لوائی اورطہٰ رضا کوعدالت میں پیش کیا۔

تفتیشی افسر نے موقف اختیار کیا کہ اربوں روپے کی منی لانڈرنگ کے لیے 47 اکاؤنٹس استعمال کئے گئے بینیفشریزاور دیگر معاملات کی تحقیقات کے لیے مزید جسمانی ریمانڈ درکارہے۔ اس لئے ان کے جسمانی ریمانڈ میں مزید توسیع کی اجازت دی جائے جب کہ ملزمان کے وکلا نے اپنے موکلین کو جوڈیشل ریمانڈ پر جیل بھیجنے کی درخواست کی۔