• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نواز شریف سے ذاتی معالج کی ملاقات، تفصیلی چیک اپ کا مشورہ

تازہ ترین
قومی خبریں
12 جنوری ، 2019
نواز شریف سے ذاتی معالج کی ملاقات، تفصیلی چیک اپ کا مشورہ
فائل فوٹو

سابق وزیراعظم نواز شریف سے ان کے ذاتی معالج ڈاکٹر عدنان نے کوٹ لکھپت جیل میں ملاقات کی۔

ذرائع کے مطابق ڈاکٹر عدنان نے نواز شریف سے صحت سے متعلق تفصیلی تبادلہ خیال کیا۔

ذرائع کے مطابق نواز شریف نے ذاتی معالج کو بازو میں وقفے وقفے سے درد سے متعلق بتایا،جس پر ڈاکٹر عدنان نے انہیں اسپتال میں داخل ہوکر تفصیلی چیک اپ کرانے کا مشورہ دیا۔

ذرائع کے مطابق نواز شریف نے اسپتال منتقلی کا مشورہ قبول کرنے سے انکار کردیا اور موقف اختیار کیا کہ جو ٹیسٹ کرانے ہیں وہ جیل ہی میں کئے جائیں۔

اس کے بعد جیل ڈاکٹروں نے نواز شریف کو مکمل صحت مند قرار دے دیا۔

جیل ذرائع کے مطابق جیل کے میڈیکل آفیسر ڈاکٹر افسر خان نے اپنی ٹیم کے ہمراہ نواز شریف کا طبی معائنہ کیا۔

طبی ٹیم نے نواز شریف کا بلڈپریشر،شوگر اور دل کی نارمل صورت پر انہیں مکمل طور پر صحت مند قرار دیا۔

تازہ ترین