’’اپوزیشن قائدین پیسے بچانے کے معاملے پر ایک ہیں‘‘

اپوزیشن کے اتحاد پر حکومت کی جانب سے سخت ردعمل سامنے آیا ہے۔

وفاقی وزیر اطلاعات فواد چوہدری نے کہا ہے کہ اپوزیشن قائدین پیسے بچانے کے معاملے پر ایک ہیں۔

میڈیا سے گفتگو کرتے ہوئے انہوں نے مزید کہا کہ ایک نےحدیبیہ بنائی دوسرے نے اومنی،دونوں پارٹیز کا ایجنڈا اور کرپشن ماڈل ایک جیسا ہے۔

فواد چوہدری نے کہا کہ آصف زرداری اور نواز شریف کی سیاست میں فرق نہیں، دونوں ایک ہی سکےکے دو رخ ہیں اور دونوں ہی کی سیاسی اننگز ختم ہو چکی ہیں۔