ایران میں عمران خان کا بیان سیاق و سباق سے ہٹ کر پیش کیاگیا، ترجمان وزیراعظم ہائوس

اسلام آباد(نمائندہ جنگ)دہشت گردوں کی جانب سے پاکستانی سرزمین استعمال کیے جانے سے متعلق وزیراعظم کے بیان پر ترجمان وزیراعظم آفس کا کہنا ہے کہ عمران خان کے بیان کو سیاق و سباق سے ہٹ کر پیش کیا گیا۔ترجمان وزیراعظم آفس کا کہنا ہے کہ وزیراعظم نے اپنے بیان میں غیر ریاستی عناصر کی بات کی اور بھارتی جاسوس کلبھوشن یادیو کا معاملہ بھی اسی تناظر میں ہے۔ترجمان وزیراعظم آفس کی جانب سے کہا گیا کہ غیر ریاستی عناصر نے بیرونی پشت پناہی پر پاکستان میں کارروائیاں کیں۔یاد رہے کہ وزیراعظم نے دورہ ایران کے دوران ایرانی صدر حسن روحانی کے ہمراہ مشترکہ پریس کانفرنس کے دوران دونوں ممالک کو درپیش صورتحال پر بات کی تھی جس پر اپوزیشن کی جانب سے شدید تنقید کی گئی۔