کوہستان: جیپ حادثہ، 8 لاشیں ورثاء کے حوالے، 3 کی تلاش جاری

24 جون ، 2019

کوہستان میں دریائے سندھ کے قریب واقع کھائی میں جیپ کے گرنے سے جاں بحق ہونے والے 8افراد کی لاشیں ورثاء کے حوالے کر دی گئیں، لاپتہ 3 افراد کی تلاش جاری ہے۔

گزشتہ روز مسافر جیپ گاؤں غدر سے پالس آ رہی تھی، جیپ شلکن آباد کے قریب ڈرائیور سے بے قابو ہو کر دریائے سندھ کے کنارے موجود گہری کھائی میں جا گری تھی۔

جیپ میں سوار 22 افراد میں سے8 نے نیچے چھلانگ لگا کر اپنی جان بچائی تھی، 8افراد کھائی میں گرنے سے جاں بحق اور 3 زخمی ہوگئے تھے جبکہ 3 افراد دریا میں جاگرے تھے۔