فرمان الہی
نماز کے اوقات
آزادی مارچ میں شرکت کرنے والے جمعیت علماء اسلام (ف) کےکارکنان گوجر خان کے قریب جھولے کے مزے لیتے رہے جن کی ویڈیو سوشل میڈیا پر وائرل ہوگئی۔
مولانا فضل الرحمٰن کا مارچ جب گوجر خان کے قریب پہنچا تو قافلے میں شریک چند لوگ پارک میں لگا جھولا دیکھ کر وہاں آئے اور بچوں کے جھولے پر بیٹھ کر لطف اندوز ہوتے رہے۔
آزادی مارچ کے شرکاء نے گوجر خان میں ناشتہ کیا اور پھر تفریح کے لیے پارک پہنچ گئے جہاں انہوں نےجھولوں پر بیٹھ کر خوب ہلّا گُلّا کیا۔
جمعیت علمائے اسلام (ف) کے سربراہ مولانا فضل الرحمٰن کی قیادت میں آزادی مارچ کا کارواں گجر خان اور مختلف شہروں سے گزرتے ہوئے اسلام آباد جلسہ گاہ میں پہنچ گیا ، مولانا فضل الرحمٰن اپنی سیکورٹی کے ہمراہ نائنتھ ایونیو سے پنڈال پہنچے۔
جلسہ گاہ پہنچنے کے فوری بعد مولانا فضل الرحمٰن نے کارکنوں سے مختصر خطاب بھی کیا جس میں انہوں نے آزادی مارچ سے متعلق آگاہ کیا۔
یاد رہے کہ مولانا فضل الرحمٰن نے آزادی مارچ کا آغاز 27 اکتوبر کو کراچی سے کیا تھا۔
