آپ آف لائن ہیں
جمعہ13؍شوال المکرم 1441ھ 5؍جون 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بنگلہ دیشی ٹیم خصوصی طیارے سے کل لاہور پہنچے گی

بنگلہ دیشی ٹیم خصوصی طیارے سے کل لاہور پہنچے گی


دورہ پاکستان کے سلسلے میں بنگلہ دیش کرکٹ ٹیم کل رات خصوصی طیارے کے ذریعے لاہور پہنچے گی۔ دونوں ملکوں کے درمیان تین ٹی ٹوئنٹی میچوں کی سیریز کا پہلا مقابلہ 24 جنوری کو ہوگا۔

بنگلہ دیش کرکٹ ٹیم کی پاکستان آمد کے شیڈول میں تھوڑا ردو بدل ہوا ہے، بنگلہ دیش کرکٹ ٹیم کو کمرشل فلائٹ کے ذریعے 23 جنوری کو لاہور پہنچنا تھا لیکن اب ٹیم کو خصوصی طیارے کے ذریعے لاہور لا یا جارہا ہے تاکہ کھلاڑی لمبی مسافت سے بچ سکیں۔

پی سی بی کے ترجمان کے مطابق بنگلہ دیش ٹیم اپنی قومی ایئرلائن کی خصوصی پرواز سے آئے گی، اسکواڈ کے ہمراہ معمول کے سیکورٹی اہلکار بھی ہوں گے۔

مہمان ٹیم کا طیارہ تقریباً رات دس بجے لاہور ایئرپورٹ پر اُترے گا، جس کے لیے حکومت نے لینڈنگ رائٹس جا ری کر دیئے ہیں۔

بنگلہ دیشی میڈیا کے مطابق صدر بی سی بی نظم الحسن بھی پاکستان آرہے ہیں، اُن کے ہمراہ ڈائریکٹر اکرم خان اور چیف سلیکٹر منہاج العابدین بھی ہوں گے۔

کھیلوں کی خبریں سے مزید