فرمان الہی
نماز کے اوقات
کورونا وائرس سے متاثرہ جماعتِ اسلامی کے کراچی سے سندھ اسمبلی کے رکن سید عبدالرشید کے اہلِ خانہ بھی کورونا سے متاثر ہوگئے۔
ایم پی اے عبدالرشید کے اہلِ خانہ کے مطابق عبدالرشید کے 3 بچوں، اہلیہ، 2 بہنوں، والدہ اور بہنوئی میں بھی کورونا وائرس کی تصدیق ہوئی ہے۔
اہلِ خانہ کے مطابق سید عبدالرشید کے مزید 21 قریبی رشتے داروں کے کورونا وائرس کے ٹیسٹ لیے گئے ہیں جن کے نتائج آنا باقی ہیں۔
واضح رہے کہ 24 اپریل کو رکن سندھ اسمبلی سید عبدالرشید کا کورونا ٹیسٹ مثبت آیا تھا جس کے بعد انہوں نے اپنے گھر کے الگ کمرے میں آئسولیشن اختیار کرلی تھی۔
یہ بھی پڑھیئے: پاکستان میں کورونا مریض 14885، ہلاکتیں 327
ایک ویڈیو بیان میں رکنِ سندھ اسمبلی سید عبدالرشید نے عوام سے اپنا خیال رکھنے اور ان کے لیے دعائے صحت کرنے کی اپیل بھی کی تھی۔
