مودی نے چین کیساتھ تنازع پر ٹرمپ سےکوئی گفتگو نہیں کی

بھارتی حکام کا کہنا ہے کہ وزیر اعظم نریندر مودی نے چین کے ساتھ سرحدی تنازع پر امریکی صدر ڈونلڈ ٹرمپ سے کوئی گفتگو نہیں کی۔

میڈیا رپورٹس کے مطابق بھارتی حکام نے کہا ہے کہ امریکی صدر ڈونلڈ ٹرمپ اور نریندر مودی کے درمیان آخری رابطہ 4 اپریل کو ہوا تھا، جس میں کورونا کی دوا پر بات ہوئی تھی۔

چینی فوجیوں کے ہاتھوں بھارتی اہلکاروں کی دھنائی، مکے مار مار کر منہ سُجا دیے

خیال رہے کہ پانچ مئی کو بھی بھارتی اہلکاروں کی مشرقی لداخ کے علاقے میں چینی فوج سے جھڑپیں ہوئیں تھیں۔

دوسری جانب صدر ٹرمپ کا کہنا تھاکہ انہوں نے حالیہ دنوں میں بھارتی وزیر اعظم نریندر مودی سے بات کی ہے۔ 

امریکی صدر ڈونلڈ ٹرمپ نے مزید کہا کہ بھارت سرحدی معاملے پر چین سے براہ راست رابطےمیں ہے۔

واضح رہے کہ متنازع علاقے لداخ میں چینی فوجیوں اور بھارتی فوجیوں کے درمیان ہاتھا پائی ہوئی تھی جس میں چینی اہلکاروں نے بھارتی اہلکاروں کی درگت بنادی تھی۔

ٹرمپ کی بھارت ، چین کشیدگی کم کروانے کیلئے ثالثی کی پیشکش

دنیا کی سب سے زیادہ آبادی والے دونوں ممالک کے درمیان تنازع میں ثالثی کے لیے تیار ہوں، امریکی صدر ڈونلڈ ٹرمپ

چین کی جانب سے جب کرارا جواب ملا تو بھارت نے فوراً ہی مذاکرات کی کوششیں شروع کردیں۔

امریکی صدر ڈونلڈ ٹرمپ نے بھی چین اور بھارت کے درمیان کشیدگی کم کروانے کے لیے ثالثی کی پیشکشکی تھی۔