103سالہ امریکی شخص کا اسکائی ڈائیونگ کا مظاہرہ

بڑھاپے کی دہلیز پر قدم رکھتے ہی اکثر افراد کی ہمت و طاقت ساتھ چھوڑ دیتی ہے لیکن جناب103سالہ یہ امریکی بزرگ تو ایک مثال ہے جنہوں نے آسمان کی بلندیوں پر پہنچ کر اسکائی ڈائیونگ کا شاندار مظاہرہ کر کے نہ صرف نوجوانوں کو بھی پیچھے چھوڑ دیا ہے بلکہ دنیا کے معمر ترین اسکائی ڈائیور بن گئے اور گنیز ریکارڈ بھی توڑ ڈالا ہے۔

امریکی راست ٹیکساس سے تعلق رکھنے والے ایڈونچر کے شوقین Al Blaschke نامی دادا جان جہاز کے ذریعے 14ہزار فٹ آسمان کی بلندی پر پہنچے اورجہاز سے چھلانگ لگاتے ہوئے نہ صرف اسکائی ڈائیونگ کا شوق پورا کیا بلکہ معمر ترین اسکائی ڈائیور بن گئے ۔

بزرگ شخص کے اس ایڈونچر کو گنیز بک آف ورلڈ ریکارڈ میں درج کرنے کی درخواست دیدی گئی ہے۔