کچن میں کھانا پکانے میں مصروف خواتین کی قدر کریں: رابی پیرزادہ

اسلام کی خاطر شوبز انڈسٹری سے کنارہ کشی اختیار کرنے والی رابی پیرزادہ کا کہنا ہے کہ عید پر اُن تمام خواتین کی قدر کریں جو یہ تہوار منانے کے بجائے کچن میں کھانا بنانے میں مصروف ہیں۔

سماجی رابطے کی ویب سائٹ انسٹاگرام ہر اپنے بھائی کے ہمراہ ایک تصویر ساتھ عید کی مناسبت سے ایک پیغام بھی شیئر کیا۔

انہوں نے لکھا کہ ہر پاکستانی لڑکی کی یہی کہانی ہے کہ جب اس کا کچن میں کام کر کے بُرا حال ہو تو تب ہی بھائی کچن سے زبردستی نکال کر تصویر لیتے ہیں۔

رابی پیرزادہ نے لکھا کہ عید اور دیگر تہواروں پر تو خواتین کا زیادہ تر وقت کچن میں ہی گزرتا ہے۔

مداحوں کو خواتین کی قدر کرنے کی ہدایت کرتے ہوئے رابی پیرزادہ نے کہا کہ ’اُن تمام خواتین کی قدر کریں جن کا ہر تہوار آپ کیلئے کھانا بناتے اور آپ کا خیال رکھتے گزرتا ہے۔‘