کھانا کھاؤ بچو

16 اگست ، 2020

سید اشرف بیتھوی

پہلے دسترخوان بچھاؤ بچو

اس پر پکوان سجاؤ بچو

دسترخوان پر بیٹھنے سے پہلے

اپنے ہاتھ دھو آؤ بچو

دسترخوان پر جیسے ہی بیٹھو

بسم اللہ زبان پر لاؤ بچو

چھوٹے چھوٹے نوالے بنا کر

خوب چبا کر کھاؤ بچو

کھانا اچھا ہو یا برا ہو

کبھی نہ عیب لگاؤ بچو

چھینا جھپٹی کبھی نہ کرنا

اللہ کے احکام اپناؤ بچو

اللہ نے یہ رزق دیا ہے

کھا کر شکر بجاؤ بچو

اشرف کی ہے یہی نصیحت

گُن اللہ کے گاؤ بچو

عالمی شہرت کے حامل امریکا کے ہر دلعزیز جج انتقال کرگئے