ڈاکٹر ماہا کیس میں نامزد ملزمان عدالت سے فرار

21 ستمبر ، 2020

ڈاکٹر ماہا شاہ کیس میں ضمانت مسترد ہونے پر دو ملزمان جنید اور وقاص عدالت سے فرار ہوگئے۔

واضح رہے کہ ایڈیشنل ڈسٹرکٹ اینڈ سیشن جج جنوبی نے ڈاکٹر ماہا شاہ خودکشی کیس میں فریقین کے وکلا کے دلائل سننے کے بعد ملزمان کی عبوری ضمانت میں توثیق پر فیصلہ محفوظ کر لیا جسے آج سنایا گیا ہے۔

ڈاکٹر ماہا علی خودکشی کیس میں متوفیہ کے والد نے 3 افراد کے خلاف گزری تھانے میں مقدمے کے اندراج کیلئے درخواست جمع کروائی تھی۔

درخواست میں ڈاکٹر ماہا علی کے والد نے بیٹی کے دوست ، ایک اسپتال کے ڈینٹسٹ اور ڈاکٹر کو نامزد کیا ہے اور ان افراد پر ماہا علی کو تشدد کا نشانہ بنانے، زخمی کرنے اور نشے کا عادی بنانے کا الزام بھی عائد کیا گیا ہے ۔