ڈین جونز میرے حقیقی دوست تھے، شاہد آفریدی

قومی کرکٹ ٹیم کے سابق کپتان شاہد آفریدی نے سابق آسٹریلین بیٹسمین و کمنٹیٹر ڈین جونز کے انتقال پر شدید افسوس کا اظہار کیا ہے۔

مائیکرو بلاگنگ سائٹ ٹوئٹر پر پیغام میں انہوں نے کہا کہ شاہد آفریدی نے لکھا کہ ’ڈین جونز کے انتقال کی خبر ہم سب کے لیے انتہائی افسوسناک ہے۔‘

شاہد آفریدی نے لکھا کہ ’ڈین جونز ایک حیرت انگیز کرکٹر، کوچ، کمنٹیٹر اور سب سے بڑھ کر ایک خوش اخلاق انسان تھے۔‘

قومی کرکٹ ٹیم کے سابق کپتان نے اپنے پیغام میں لکھا کہ ’ڈین جونز میرے حقیقی دوست تھے اور میں اُنہیں ہمیشہ یاد کروں گا۔‘

آخر میں شاہد آفریدی نے ڈین جونز کے اہل خانہ اور عزیز و اقارب سے دلی تعزیت بھی کی۔

ڈین جونز کی موت پر پاکستان کرکٹ کے تعزیتی پیغامات

حرکت قلب بند ہونے سے انتقال کرنے والے ڈین جونز کے اہلِ خانہ کے ساتھ کرکٹ بورڈز، سابق اور موجودہ کھلاڑیوں، کومینٹریٹرز نے دلی تعزیت کا اظہار کیا۔

واضح رہے کہ آسٹریلیا کے سابق ٹیسٹ کرکٹر اور پاکستان سپر لیگ (پی ایس ایل) میں مختلف ٹیموں کے لیے کوچنگ کی ذمہ داریاں نبھانے والے ڈین جونز گزشتہ روز دل کا دورہ پڑنے کی وجہ سے بھارت کے شہر ممبئی میں انتقال کر گئے تھے۔