آپ آف لائن ہیں
بدھ10؍ربیع الاوّل 1442ھ28؍اکتوبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

وزیر اعظم نے وفاقی کابینہ کا اجلاس منگل کو طلب کرلیا

وزیرِاعظم عمران خان نے وفاقی کابینہ کا اجلاس منگل کو طلب کرلیا، وفاقی کابینہ اجلاس کا 16 نکاتی ایجنڈا جاری کردیا گیا۔

کابینہ اجلاس میں ملکی سیاسی معاشی اقتصادی صورتحال کا جائزہ لیا جائے گا، جبکہ اجلاس میں پاور سیکٹر میں ریفارمز پر بریفنگ دی جائے گی۔

اسلام آباد وائلڈ لائف مینجمنٹ بورڈ کے نان آفیشل ممبرز کی تعیناتی ایجنڈا کا حصہ ہے، جبکہ افغانستان سے متعلق ویزا پالیسی کی تبدیلی پر بریفنگ بھی ایجنڈا میں شامل ہے۔

وفاقی کابینہ کے اجلاس میں بائیولوجیکل ادویات کے لیے ماہر کی تعیناتی کابینہ ایجنڈا میں شامل ہیں، جبکہ میڈیکل اینڈ ڈینٹل کونسل کے آئین کی منظوری بھی کابینہ ایجنڈے کا حصہ ہے۔


پاکستان ریلویز کی بحالی اور تنظیم نو کا پلان بھی کابینہ اجلاس میں پیش کیا جائے گا۔

پاکستان کونسل آف سائنٹیفیک اینڈ انڈسٹریل ریسرچ کے چیئرمین کی تقرری ایجنڈا میں شامل ہے، ارسا میں ٹیلی میٹری سسٹم کی توڑ پھوڑ پر انکوائری کا معاملہ بھی کابینہ ایجنڈے میں شامل ہے۔

کابینہ اجلاس میں اسلام آباد کلب کے ایڈمنسٹریٹر کی تقرری ایجنڈا کا حصہ ہے، جبکہ اقتصادی رابطہ کمیٹی کے 23 ستمبر کے فیصلوں کی توثیق اور کابینہ کی کمیٹی برائے توانائی کے 24 ستمبر کے فیصلوں کی توثیق کابینہ ایجنڈا میں شامل ہے۔

قومی خبریں سے مزید