آپ آف لائن ہیں
پیر 8؍ ربیع الاوّل1442ھ 26؍اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پاکستانی ایتھلیٹ نے بحرین میں ایم ایم اے فائٹ جیت لی

پاکستانی ایتھلیٹ مہموش رضا نے کھیلوں کی دنیا میں پاکستان کا نام عالمی دنیا میں روشن کرتے ہوئے ایک اور اعزاز اپنے نام کر لیا ہے، مہموش رضا نے بحرین میں ایم ایم اے فائٹ جیت لی ہے۔

مہموش رضا نے دو بار ورلڈ ٹائٹل کیلئے فائٹ کرنیوالے اسکاٹ لینڈ کے کیلم مرے کو شکست دی۔

کیلم مرے تائیکوانڈو کے ورلڈ چیمپئن اور دنیا کے بہترین فائٹر ہیں، مہموش رضا ملک کے لیے مزید اعزاز جیتنے کے لیے پرعزم ہیں۔

اپنی اس جیت پر خوشی کا اظہار کرتے ہوئے ایک انسٹاگرام پوسٹ بھی شیئر کی جس میں انہوں نے جیت حمایت کرنے والوں کے نام کردی۔


یاد رہے کہ 2018 میں بھی مہموش رضا نے ریبل ایف سی 7 کے مکسڈ مارشل آرٹس (ایم ایم اے) کے فیدر ویٹ مقابلے میں یوکرائن کے فائٹر ایگور گریتسکیو کو شکست دی تھی۔

چین میں ہونے والی اس فائٹ میں مہموش رضا نے فتح حاصل کرکے اپنے ریکارڈ کو مزید بہتر بنایا تھا۔ پاکستان فائٹر کے 37 سالہ حریف کو فیورٹ قرار دیا جا رہا تھا جو اس سے قبل لگاتار 7 فتوحات جیت چکے تھے لیکن مہموش نے ان کی جیت کے تسلسل کو توڑ دیا۔

کھیلوں کی خبریں سے مزید