آپ آف لائن ہیں
ہفتہ12؍ربیع الثانی 1442ھ 28؍نومبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کار کے بونٹ میں اژدھا سوار


رینگے والے جانوروں کے اکثر گاڑیوں میں پائے جانے کی ویڈیوز سامنے آتی رہتی ہیں، تاہم اب ایک ایسا واقعہ روہنما ہوا جو انسان کے ساتھ ساتھ خود اس جانور کے لیے بھی نقصان دہ ثابت ہوسکتا تھا۔

امریکی ریاست فلوریڈا کے وائلڈ لائف کنزرویشن کمیشن نے ایک پوسٹ میں بتایا کہ افسران نے برووارڈ کاؤنٹی میں کار کے بونٹ سے ایک برما کا اژدھا برآمد کیا ہے۔

پوسٹ میں شیئر کی گئی ویڈیو میں دیکھا جاسکتا ہے کہ اژدھا بونٹ کے اندر گاڑی کے انجن پر بیٹھا ہے، جسے وائلڈ لائف افسران نے باآسانی باہر نکال لیا۔

فیس بک پر شیئر کی گئی ویڈیو میں کہا گیا کہ ان شہریوں کا شکریہ جنھوں نے اس اژدھے کے بارے میں اطلاع دی۔