پیپلز پارٹی لاہور کے سینئر رہنما دلاور بٹ انتقال کرگئے
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پیپلز پارٹی لاہور کے سینئر رہنما دلاور بٹ انتقال کرگئے

پاکستان پیپلز پارٹی لاہور کے سینئر رہنما دلاور بٹ طویل علالت کے بعد انتقال کرگئے، دلاور بٹ پارٹی کے بنیادی رکن اورشہید بےنظیر بھٹو کے ساتھی تھے۔

دلاور بٹ کی نماز جنازہ آج 3 بجے عیدگاہ نزد چوبرجی چوک ادا کی جائے گی، صدر پیپلز پارٹی پنجاب قمر زمان کائرہ، چوہدری منظور، اسلم گل، ملک عثمان نے دلاور بٹ کے انتقال پر اظہار تعزیت کیا۔


دلاوربٹ نے نواز شریف کیخلاف پیپلز پارٹی کے امیدوارکے طور پر الیکشن بھی لڑا، ضیاء دور میں انہوں نے جیل کاٹی اور صعوبتیں بھی برداشت کیں۔

دلاور بٹ کافی عرصے سے علیل تھے، چئیرمین پاکستان پیپلز پارٹی بلاول بھٹو نے انکی عیادت بھی کی تھی۔

قومی خبریں سے مزید