اب بھی عمران خان کا ٹائیگر ہوں، ڈی جے بٹ کی ضمانت منظور

لاہور کی مقامی عدالت نےپی ڈی ایم کے جلسے کیلئے ساؤنڈ سسٹم فراہم کرنے والے ڈی جے بٹ کو ضمانت پر رہا کر دیا ۔

ماڈل ٹاؤن پولیس نے ساؤنڈ سسٹم وینڈر ڈی جے بٹ کو مقامی عدالت میں پیش کیا، جہاں عدالت نے50 ہزار روپے کے ضمانتی مچلکوں کے عوض ڈی جے بٹ کو رہا کرنے کا حکم دے دیا۔

لاہور: PDM جلسے سے قبل ڈی جے بٹ گرفتار، مقدمہ درج

لاہور پولیس نے حکومت مخالف اتحاد پی ڈی ایم کے مینار پاکستان گراؤنڈ میں جلسے کے لئے ساؤنڈ سسٹم فراہم کرنے والے ڈی جے بٹ کو گرفتار کر لیا، عظمیٰ بخاری کا کہنا ہے کہ حکومت کےشر سے وہ لوگ بھی محفوظ نہیں جن کےان پر احسانات ہیں۔

ڈی جے بٹ کا میڈیا سے گفتگو میں کہنا تھا کہ ان پر تشدد کیا گیا، یہ ظلم اور زیادتی ہے، وہ اب بھی عمران خان کے ٹائیگر ہیں۔

انہوں نے بتایاکہ جس اسلحہ کی برآمدگی کی بات کی جارہی ہے، اس کا لائسنس موجود ہے۔

ڈی جے بٹ سے غیرقانونی رائفل برآمد ہوئی ہے، پولیس کا دعویٰ

سیاسی جلسوں میں ساؤنڈ سسٹم فراہم کرنے سے ملک بھر میں شہرت حاصل کرنے والے ڈی جے بٹ کو شناخت ہی تحریک انصاف کے جلسوں سے ملی ۔

واضح رہے کہ گزشتہ روز لاہور پولیس نے ڈی جے بٹ کو گرفتار کرکے اس کے خلاف کارِ سرکار میں مداخلت، پولیس سے ہاتھا پائی اور غیر قانونی رائفل رکھنے پر مقدمہ درج کیا تھا۔

2014 میں تحریک انصاف کے دھرنوں سے شہرت حاصل کرنے والے ڈی جے بٹ کو مینار پاکستان میں ہونے والے پی ڈی ایم کے جلسے میں ساؤنڈ سسٹم کی فراہمی کا ٹھیکہ ملا تھا۔