لاہور: PDM جلسے سے قبل ڈی جے بٹ گرفتار، مقدمہ درج

09 دسمبر ، 2020

لاہور پولیس نے حکومت مخالف اتحاد پی ڈی ایم کے مینار پاکستان گراؤنڈ میں جلسے کے لئے ساؤنڈ سسٹم فراہم کرنے والے ڈی جے بٹ کو گرفتار کرکے مقدمہ درج کرلیا۔

لاہور پولیس نے ڈی جے بٹ کے خلاف ناجائزاسلحہ رکھنے کے الزام میں مقدمہ درج کیا ہے، مقدمے میں کار سرکار میں مداخلت اور پولیس سے ہاتھا پائی کی دفعات بھی شامل ہیں۔

مسلم لیگ نون کی رہنما عظمیٰ بخاری کا کہنا ہے کہ حکومت کےشر سے وہ لوگ بھی محفوظ نہیں جن کےان پر احسانات ہیں۔

پولیس ذرائع کے مطابق ساؤنڈ سسٹم وینڈر ڈی جے بٹ کو ماڈل ٹاؤن لاہور میں ان کی رہائش گاہ سے گرفتار کیا گیا ہے۔

یہ بھی پڑھیے

مسلم لیگ نون پنجاب کی ترجمان عظمیٰ بخاری نے میڈیا سے گفتگو کرتے ہوئے کہا کہ ڈی جے بٹ کے پی ٹی آئی کے جلسے سجانے کے حوالے سے کتنے احسانات ہیں، مگران کے شر سے ان پر احسانات کرنےوالے لوگ بھی محفوظ نہیں ہیں۔

عظمیٰ بخاری کا کہنا تھا کہ ان کا مقابلہ بہت سے لوگوں سے ہے، مگرعمران خان کا مقابلہ ٹینٹ سروس والوں اور ڈی جے بٹ سے ہے۔

انہوں نے کہا کہ چھوٹا آدمی اپنی چھوٹی ذہنیت دکھائے گا، جلسے کے لئے متبادل انتظامات بھی موجود ہیں۔

عظمیٰ بخاری نے کہا کہ موٹر سائیکل ریلی ضرور نکلے گی موسم ہمارے کےلیے رکاوٹ نہیں ہے۔

تازہ ترین