راولپنڈی دھماکا، دہشت گردی خارج از امکان نہیں، سی ٹی ڈی

راولپنڈی کے تھانہ گنج منڈی کے سامنے جوتے بیچنے والے ٹھیلے پر دستی بم سے حملہ ہوگیا۔

دستی بم کے دھماکے میں 13 افراد زخمی ہوگئے ہیں، جنہیں طبی امداد کی فراہمی کے لیے اسپتال منتقل کیا گیا ہے۔

ترجمان سی ٹی ڈی کے مطابق بم ڈسپوزل اسکواڈ نے دستی بم حملے کی جگہ کو کلیئر کردیا ہے۔

سی ٹی ڈی کی آپریشنز ٹیم نے دستی بم دھماکے کی جگہ سے شواہد اکٹھے کیے۔

ترجمان سی ٹی ڈی کے مطابق ابتدائی تحقیقات میں دہشت گردی کے امکان کو خارج از امکان قرار نہیں دیا جاسکتا۔