ریما خان ترکی جاکر تیر انداز بن گئیں

لالی ووڈ کی معروف اداکارہ ریما خان نے ترکی جاکر  تیر اندازی شروع کردی۔

حال ہی میں ہمایوں سعید، عدنان صدیقی اور سعدیہ خان کے ہمراہ ترکی جانے والی اداکارہ ریما خان نے اپنے تصدیق شدہ انسٹاگرام اکاؤنٹ پر اپنی نئی ویڈیو شیئر کی ہے۔

مذکورہ ویڈیو میں ریما خان کے ہاتھ میں تیر کمان موجود ہے جبکہ وہ بڑے ہی پرجوش انداز میں تیر اندازی کرتی دکھائی دے رہی ہیں۔

ریما خان نے ویڈیو شیئر کرتے ہوئے کیپشن میں لکھا کہ ’استقامت سے انسان  کامیابی کی طرف جاتا ہے۔‘

ریما خان کا ترکی میں ارطغرل غازی کی ٹیم کیجانب سے پرتپاک استقبال

پاکستان فلم انڈسٹری کی معروف اداکارہ ریما خان کا ترکی میں ارطغرل غازی کی ٹیم کی جانب سے پرتپاک استقبال کیا گیا ہے۔

اداکارہ نے کہا کہ ’ناکامی سے کبھی بھی مایوس نہ ہوں بلکہ جیت کا عزم کریں اور ثابت قدم رہیں۔‘

اُنہوں نے مزید کہا کہ ’میں پہلی بار تیر مارنے کی کوشش میں ناکام رہی لیکن دوسری بار میرا نشانہ بالکل درست جگہ پر لگا۔‘

ہمایوں سعید اور عدنان صدیقی کا ترکی میں پرتپاک استقبال

پاکستان کے معروف اداکار ہمایوں سعید اور عدنان صدیقی کا ترکی میں ارطغرل غازی کی ٹیم کی جانب سے پرتپاک استقبال کیا گیا ہے۔

واضح رہے کہ پاکستان شوبز انڈسٹری کے نامور فنکار اس وقت ترکی میں موجود ہیں جہاں ارطغرل غازی کی ٹیم نے اُن کا پرتپاک استقبال کیا۔

ترکی جانے والے پاکستانی فنکاروں میں ہمایوں سعید، عدنان صدیقی، سعدیہ خان اور ریما خان شامل ہیں۔