بگ باس 14 کی فاتح روبینہ دلیک، نیہا ککڑ کے گانے میں جلوہ گر ہونے کیلئے تیار

بھارت کے معروف رئیلیٹی شو بگ باس کے سیزن 14 کی فاتح روبینہ دلیک اور اُن کے شوہر ابھینوو شکلا اب معروف بالی ووڈ گلوکارہ نیہا ککڑ کے نئے گانے میں ایک ساتھ نظر آئیں گے۔

روبینہ دلیک نے اپنے لاکھوں مداحوں کو اپنے نئے پراجیکٹ کے حوالے سے اہم اطلاع دینے کے لیے اپنے تصدیق شدہ انسٹاگرام اکاؤنٹ کا رُخ کیا۔

روبینہ دلیک نے اپنے انسٹاگرام اکاؤنٹ پر اپنے نئے پراجیکٹ کا پوسٹر شیئر کیا جس میں اُن کے ہمراہ اُن کے شوہر ابھینوو شکلا کو بھی دیکھا جاسکتا ہے۔

بگ باس 14 کی فاتح نے بتایا کہ ’یہ گانا بالی ووڈ کی معروف گلوکارہ نیہا ککڑ کی سُریلی آواز میں تیار کیا گیا ہے جس کا نام ’مرجانیا‘ ہے۔‘

اُنہوں نے اپنی پوسٹ کے کیپشن میں لکھا کہ ’میں نیہا ککڑ کے ساتھ ہمارے پہلے پراجیکٹ کا اعلان کرکے بہت خوش ہوں۔‘

میرے اور روبینہ کے درمیان طلاق نہیں ہورہی: ابھینوو شکلا

رواں ہفتے بھارت کے معروف رئیلیٹی شو بگ باس کا سیزن 14 جیتنے کی دوڑ سے باہر ہونے والے بالی ووڈ اداکار ابھینوو شکلا کہتے ہیں کہ اُن کے اور اہلیہ روبینہ دلیک کے درمیان اب سب ٹھیک ہوگیا ہے لہٰذا وہ اب ایک دوسرے طلاق نہیں لے رہے ہیں۔

روبینہ دلیک کی پوسٹ پر اُن کے قریبی دوستوں، بھارتی فنکاروں اور مداحوں کی جانب سے اُن کے لیے نیک خواہشات کا اظہار کیا جارہا ہے۔

واضح رہے کہ روبینہ دلیک کے ساتھ اُن کے شوہر ابھینوو شکلا بھی بگ باس 14 کے گھر کا حصہ تھے لیکن وہ اس کھیل سے آؤٹ ہوگئے تھے۔

بگ باس 14: روبینہ دلیک فاتح قرار

بھارت کے معروف رئیلیٹی شو بگ باس کا سیزن 14 روبینہ دلیک جیت گئیں۔

بگ باس 14 کے فائنل میں پانچ کنٹسٹنٹ پہنچے تھے جن میں روبینہ دلیک، راہول ویدیا، علی گونے، نیکی تمبولی اور راکھی ساونت شامل تھیں۔

آخر میں یہ مقابلہ روبینہ دلیک اور راہول ویدیا کے درمیان چلا اور پھر بالی ووڈ اداکار اور اس شو کے میزبان سلمان خان نے روبینہ دلیک کو زیادہ ووٹس ملنے کی بنا پر بگ باس کے سیزن 14 کی فاتح قرار دیا۔

صرف میری وجہ سے آج روبینہ اور ابھینوو ساتھ ہیں: راکھی ساونت

بھارت کے مقبول ترین رئیلیٹی شو بگ باس کے سیزن 14 کی کنٹسٹنٹ راکھی ساونت نے کہا ہے کہ روبینہ دلیک اور ابھینوو شکلا صرف اُن کی وجہ سے آج ایک ساتھ ہیں۔

خیال رہے کہ روبینہ دلیک بھارتی ڈرامہ انڈسٹری کی مقبول ترین اداکارہ بھی ہیں، اس کے علاوہ انہوں نے 2006ء میں مِس شملا کا خطاب جیتا تھا اور اس کے 2 سال بعد 2008ء میں اُنہوں نے مِس شمالی ہندوستان کا خطاب بھی اپنے نام کیا تھا۔