مجھے ٹک ٹاک پر فالو کرو: عُمر اکمل

قومی کرکٹر عُمر اکمل نے اپنے مداحوں سے اُنہیں مختصر ویڈیو شیئرنگ ایپ ٹک ٹاک پر فالو کرنے کی اپیل کردی۔

حال ہی میں عُمر اکمل نے اپنے آفیشل انسٹاگرام پر اپنی نئی ٹک ٹاک ویڈیو شیئر کی جس میں اُنہوں نے سیاہ رنگ کی پینٹ شرٹ زیب تن کی ہوئی ہے۔

ٹک ٹاک ویڈیو میں عُمر اکمل اپنے گھر میں موجود ہیں جبکہ یہ ویڈیو بھارت کے مقبول ترین پنجابی گانے پر بنائی گئی ہے۔

عُمر اکمل نے اپنی پوسٹ کے کیپشن میں مداحوں سے مخاطب ہوتے ہوئے کہا کہ ’مجھے ٹک ٹاک پر فالو کریں۔‘

قومی کرکٹر نے کیپشن میں اپنی ٹک ٹاک آئی ڈی بھی شیئر کی۔

کامران اکمل چھوٹے بھائی عُمر اکمل کو جلد فیلڈ میں دیکھنے کے منتظر

قومی کرکٹ ٹیم کے وکٹ کیپر و بیٹسمین کامران اکمل کہتے ہیں کہ وہ عمر اکمل کو جلد فیلڈ میں کھیلتا دیکھنے کے منتظر ہیں۔

عُمر اکمل نے یہ ٹک ٹاک صرف 10 گھنٹے پہلے ہی انسٹا پر شیئر کی ہے جسے اب تک 25 ہزار سے زائد صارفین دیکھ چکے ہیں۔

دوسری جانب اگر ہم عُمر اکمل کے ٹک ٹاک اکاؤنٹ کا جائزہ لیں تو اُنہوں نے اب تک متعدد ویڈیوز شیئر کی ہیں جن پر ہزاروں میں لائکس آئے ہیں۔

عُمر اکمل کے ٹک ٹاک فالوورز کی تعداد 17 سو سے زائد ہے جبکہ اُنہوں نے صرف ایک ٹک ٹاکر کو اپنے اکاؤنٹ سے فالو کیا ہوا ہے۔

واضح رہے کہ رواں سال فروری میں عالمی ثالثی عدالت نے انڈیپنڈنٹ ایڈجوڈیکٹر کے فیصلے کے خلاف پاکستان کرکٹ بورڈ اور عمر اکمل کی جانب سے دائر کردہ اپیلوں پر فیصلہ سنایا تھا۔

حسن علی ٹک ٹاک کے بادشاہ قرار

قومی کرکٹ ٹیم کے فاسٹ بالر حسن علی کو سوشل میڈیا صارفین نے ٹک ٹاک کی دُنیا کا بادشاہ قرار دے دیا۔

فیصلے کے مطابق پی سی بی کوڈ آف کنڈکٹ کی شق 2.4.4 کی ایک مرتبہ خلاف ورزی کرنے پر عمر اکمل پر 12 ماہ کی پابندی اور 42 لاکھ 50 ہزار روپے جرمانہ عائد کیا گیا تھا۔

عمر اکمل پر ایک سال کی پابندی کی میعاد 19فروری 2021ء کو پوری ہوچکی تھی، ان پر 20 فروری 2020ء کو اسپاٹ فکسنگ کی بر وقت اطلاع نہ دینے پر معطل کرتے ہوئے 3 سال کی پابندی عائد کی گئی تھی۔