منال اور احسن کی بات پکی ہوگئی

شوبز انڈسٹری کی معروف اداکارہ منال خان اور اداکار احسن محسن اکرام کی منگنی ہوگئی۔

گزشتہ کچھ دنوں سے گہری دوستی رکھنے والی شوبز انڈسٹری کی معروف جوڑی منال خان اور احسن محسن کی بات پکی ہوگئی ہے جس کی تصویریں دونوں اداکاروں نے اپنے تصدیق شدہ انسٹاگرام اکاؤنٹس پر شیئر کی ہیں۔

منال خان کی جانب سے شیئر کی گئی تصویروں میں اُنہوں نے خوبصورت لباس زیب تن کیا ہوا ہے جبکہ شوبز انڈسٹری کی اس نئی جوڑی نے گلے میں پھولوں کا ہار بھی پہنا ہوا ہے۔

منال خان اور احسن محسن کے درمیان کیا چل رہا ہے؟

شوبز انڈسٹری کی معروف اداکارہ و ماڈل منال خان کو اُن کے ساتھی اداکار احسن محسن اکرام نے پروپوز کردیا۔

اداکارہ نے اپنی پوسٹ کے کیپشن میں منگیتر احسن محسن سے اظہارِ محبت کرتے ہوئے لکھا کہ ’میں نے اپنی محبت کو آسانی سے ہاں کہہ دیا۔‘

دوسری جانب احسن محسن نے بھی انسٹاگرام پر اپنی اور منال کی منگنی کی تصویریں شیئر کیں۔

احسن محسن نے اپنی پوسٹ کے کیپشن میں منال خان سے مخاطب ہوتے ہوئے لکھا کہ ’میں اپنی آخری سانس تک تُم سے محبت کروں گا۔‘

منال اور احسن کی انسٹاگرام پوسٹس پر شوبز ستاروں کی بڑی تعداد اُنہیں منگنی کی مبارکباد دے رہی ہے۔

منال خان اور احسن محسن کی نئی تصویر منظر عام پر

شوبز انڈسٹری کی معروف اداکارہ و ماڈل منال خان اور نئے اُبھرتےہوئے اداکار احسن محسن اکرام کی نئی تصویر منظر عام پر آگئی ہے۔

واضح رہے کہ منال خان اور احسن محسن اکرام نے ڈرامہ سیریل ’پرچھائیں‘ میں ایک ساتھ کام کیا تھا، یہ ڈرامہ سال 2017 میں ایک نجی ٹی وی چینل سے نشر کیا گیا تھا۔ 

احسن محسن اکرام سے قبل منال خان کے منظور خان نامی شخص سے قریبی تعلقات تھے لیکن گزشتہ سال ہی دونوں کی دوستی ختم ہوگئی تھی جس کے بعد منظور خان نے اپنے انسٹاگرام اکاؤنٹ سے منال خان کی تمام تصویریں ڈیلیٹ کردی تھیں۔